Cars番外篇－Planes

尋日講到續集，雖然Cars 2岩岩先係美國上映，應該唔會咁快有第三集既消息（可能性亦都唔大），但已經有一輯Cars既外篇計劃係2013年春季直接透過DVD推出

新戲延續Cars既世界，但主角唔再係McQueen, Mater呢班車仔，而係佢地上空既一個世界－Planes。哈，係唔係感覺有D惡搞呢？

今次既主角係生活係一個小鎮而且畏高既Dusty，夢想係可以參加世界知名既飛行賽。故事講述佢既一班朋友點樣幫助Dusty呢個鄉下仔登上呢個國際既大舞台。

又係一個典型既夢想成真既故事，所以今次個故事並唔係Pixar既創作，而係Disney Animation Studios既出名，但相信Pixar首腦John Lasseter亦都會有份參與製作。我諗大家都知John對Cars既鍾愛，所以佢有份參與呢個外篇一D都唔奇。佢亦都有發表過係DisneyToon Studios主動向Pixar賣橋，向佢地提出Planes呢套外篇。

Trailer中亦都唔難發現Pixar好出名既(A)113，唔知睇完次後會唔會引起大家既興趣呢？

Hawaiian Vacation綜合報導

今次Cars 2呢套戲既另一個焦點都可以話係加插左上年令大家眼濕濕既Toy Story Toons入去，今次故事係講Ken同Barbie知道Bonnie去Hawaii旅行，行左入佢個書包跟埋去，點知Bonnie無帶個書包去到，Ken知道佢地最終只係去左Bonnie房真係好傷心，所以Woody, Buzz等人就怖置到間房好似Hawaii咁，仲扮鬼扮馬營造氣氛

首先Post Post一D劇照先

睇完D相我諗大家都好心急好想快D睇到一套咁有趣既短片，但要等到8月11唬係唔係太苦呢？有美國網友Post左一個搶先版上網，有興趣既快D去睇喇，應該好快就會無左。
Toy Story Toons Hawaiian Vacation

大家可能會問，既然Pixar都有意延續Toy Story呢套戲，會唔會可能有機會拍第4集呢？答案係暫時未有呢個計劃。跟據近期Toy Story Toons導演Gary Rydestrom既一個訪問，由於Toy Story 3既好多新角都仲有好多可以運用既空間，所以佢地將故事設定為第3集之後。同時因為唔想影響到Toy Story 3結局既完整性，所以選擇左用短片去延續Toy Story呢個出色既故事。同時Pixar係設計短片時仲有好多唔同既方案，所以我相信我地會見到更多Toy Story Toons既出現。

仲有仲有，美國玩具反斗城仲為左呢套Hawaiian Vacation設計左幾個角色既公仔，唔知香港上映時會唔會都有得買呢？

Cars 2 聲效設計

一部電影除左要有好既故事，好既畫面外，聲效都可以話係一個不可缺少既因素。就好似Cars 2咁，唔好以為所以汽車引擎既聲音都係電子合成出黎，睇完呢段片你就會知Pixar既認真，原來佢地委託左一間叫Skywalker Sound既公司負責聲效。佢地係要求盡量要跟返車既型號去錄佢地既引擎聲而作混音。大家可以睇睇呢段片睇下佢地係點做到出黎丫！

Soundworks Collection: The Sound and Music of Cars 2

Cars 2 5分鐘短片曝光

一直諗緊用咩黎做開張頭泡，有諗過由Pixar點發跡開始講，但係咁樣又好似無左開呢個blog既意義－介紹新野比大家。所以最後都係決定左用宜家最火紅既話題黎做開張頭泡。好！講完開場白，係時候入正題喇～

唔知大家知唔知喇，其實Cars 2正式係美國時間6月24日上映，可惜我地香港要等到8月11日先上畫。可能大家會覺得好奇怪，一向好多時同美國同步既香港點解今次會遲咁多。我諗都係出自商業原因，今年7月上畫既夏季猛片有Transformers 3, Harry Potter: The Deathly Hallows Part 2，所以與其爭一日之長短，不如棄守轉攻8月，暑假中期。

但香港粉絲唔駛失望，為左唔駛大家等到頸都長埋，Pixar係佢既official fb page post左一段5分鐘既片段，內容講述McQueen巡迴賽去到東京站時遇上一群恐怖份子破壞比賽秩序，Finn, Holley, Mater聯手保護比賽安全，但短片中不乏Mater搞笑特性。

唔知睇先呢5分鐘，大家會唔會更期待Cars 2呢？

Cars 2 - 5 Minute Clip: Tokyo Race