雖然Wall E已經係2007年o既戲,但o岩o岩係網上發現左段片覺得好有趣都想同大家分享下
無疑對白對一套戲黎講係一個好重要既原素,Pixar都係佢唔同既電影中搵過好多唔同既人幫佢地配音(亦有時係佢地自己人客串聲演). 但唯獨有一套戲,主角都用唔上配音員,覺套我諗大家都估到係講緊Wall E
講返套戲o既概念丫,其實Pixar覺得現今o既電影都過份用左對白而忽略左身體語言.其實某程度都係出於商業o既需要,因為表現一個訊息文字會比動作來得直接快捷.Pixar考慮到其實舊式o既電影,例如Disney既威利氣船,差利卓別靈o既電影咁都可以單單只用身體語言去表達到電影o既訊息,Pixar決定反樸歸真,黎一套(半套)無對白o既戲
但當然,要而家呢個年代o既觀眾入戲院睇一套默劇可以話係一件無可能o既事,所以亦都要聲效o既幫忙,除左背景音樂外,佢地都要模仿機械發出o既聲音同果D EVA,WALLE o既聲音,結果佢地搵o左星球大戰o既Ben Burtt黎負責配音o既工作.Ben o係星球大戰入面係負責R2-D2既聲音同大量既音效,可以話係大師級o既人馬.今次Pixar搵到佢黎為同樣都係以太空做背景o既Wall E幫手,可以話對佢黎講係無難度.大家快D睇睇Wall E一D複雜o既音效係點樣創造出黎ga啦~
沒有留言:
發佈留言